Mancariakan Tatambahan

IMBAH bulik matan madam ka banua urang Palui pina makin basandu kada tapi banyak bunyi kaya dahulu lagi. Kakawalannya umpat bingung malihat Palui banyak parubahannya.

Inya banyak bakurung di rumah, hanya sakali-sakali haja umpat bakarubut di warung atawa di gardu runda.

“Baiknya kita ilangi baimbai gasan mahibur hatinya sambil umpat batakun napa nang jadi pikirannya,” ujar Garbus.

Lalu bubuhannya tulakan bailang ka rumah Palui, ada nang mambawa gumbili, mambawa kuini wan ada jua nang babawaan manisan.

“Ui Lui, kanapa maka ikam pina basandu? Mustinya malah bagambira tatamuan dangsanak-dangsanak wan kaluarga lainnya, tamasuk kami kakawanan bahari,” ujar Garbus.

“Aku ada masalah ganal Bus ai, jadi pikiran siang malam nang mulanya kada kukira sama sakali,” ujar Palui.

“Kami sabarataan ini kawan bahari sudah kaya dangsanak, samuak saliur, makanya bila ikam ada masalah di ungkai jangan di kasak saurangan, kaina kita garumuti manuntungakannya,” ujar Tulamak.

“Aku bulik ka banua ini sabujurnya handak ziarah haja tapi sakalinya bubuhan kaluarga Zaleha nang di hulu sana mamaksa manyuruh lakas badatang,” ujar Palui taungut.

“Itu artinya habar baik makanya ikam jangan basadih mustinya harus bagambira,” sahut Garbus.

“Aku balum siap napa-napa kacuali manyiapakan awak haja,” ujar Palui.

“Jangan hawatir Lui ai, kaina kami barunding wan kakawalan mambantu ikam sapanuhnya,” sahut bubuhannya.

Imbah bamufakat, lalu bubuhannya babagi tugas ada nang manukar bakul, ember, ada nang manulis papan supaya jalan bagamat lalu ada jua nang mainjam mik langgar.

“Ikam Mak ai tukang umumakan supaya mutur-mutur nang lalu disini bisa manyumbang, Tuhirang wan Tukacut batupi purun sambil mahantai pambarian urang,” ujar Garbus maatur gawi.

“Barapa haja urang mambari ikam harus maucapakan tarimakasih wan langsung doaakan supaya lakas naik haji, baiman wan parazakian mudahan masuk sorga.... “ ujar Garbus mambari patunjuk.

“Hallo, hallo..... mohon sumbangan sukarela gasan kasajahteraan anak yatim piatu, bapahala sampiyan manulung sasama ummat,” ujar Tulamak kukuriak.

“Alhamdulillah, samingguan bapintaan takumpul duit ratusan ribu rupiah. Aku kada tasalah kalu Mak bapintaan manyambat gasan anak yatim piatu, karna si Palui itu sudah kada ba abah uma lagi ujar Garbus.

“Ayu kita tulakan karumah Palui manjulung hasil bapintaan ini gasan jujuran wan basalamatannya,” ujar Garbus mambawai kakawalannya.

“Tarimakasihlah....... bubuhan ikam baik hati sabarataan kawa mancariakan duit tambahan gasan aku kawin,” ujar Palui sambil maragapi kakawalannya tunggal ikungan karna kasukaan.(Diambil dari Harian Banjarmasin Post).

Bapajam

WAYAH masih anum, atawa masih balum baanakan, bini Palui tu tamasuk urang nang kada mau katinggalan jua. Apa aja ada barang jualan nang hanyar kaluar pasti inya handak marasai. Wayah ini banar ai, rahat sudah baisian anak inya kada tapi handak lagi nang kaya bahari tu.

Nang paling diingat Palui tu rahat bininya tu bilang kaya kasasahangan banar minta tukarakan sapida mini. Apa inya malihat urang subalah rumah baisian sapida mini, lalu inya handak jua.

Untung jua waktu itu bini Palui kada handak minta tukarakan sapida mutur. Cuba jaka sapida mutur, kada kah banyak lagi duit nang dikaluarakan Palui.

“Nang kaya itu nah. Tukarakan ulun nang warna habang anum,” ujar bini Palui sambil manunjuk sapida mini ampun jiran.

Tuhuk Palui mambisai, tatap ai bininya tu handak minta tukarakan. Kada kawa ditawar-tawar tu pang. Saitu saini harus ada tu pang.

Sambil bapicik kapala Palui mambawai bininya tulak ka pasar manukar sapida nang dikahandaki. “Kita babica aja ka pasar lah. Nyaman bulikannya kada ngalih mambawa sapida nang ditukar, tinggal ditunggang aja,” ujar Palui.

Imbah sudah tadapat, Palui manawar haraganya bahimat wan nang ampun tuku. Amun malihat matan jauh Palui wan nang ampun tuku batatawaran, iya banar urang bakalahian tu pang. Sama-sama bakancangan urat gulu.

Singkat kisah, akhirnya tatukari jua sapida nang dikahandaki tu. Uma, liwar himungnya nang bini. Paribasanya tu karing gigi maraga bakurihing tarus.

“Ayu ditunggang sapidanya. Apa lagi dihadang?” ujar Palui managur bininya nang haur mancangangi sapida nang hanyar ditukar tu.

“Aku maingatakan dahulu. Masih bisa kah kada kah aku basapida,” ujar bini Palui manyahuti. Masam muha Palui mandangar sasahutan bininya.

“Imbah pang kaya apa? Aku ai nang maninjak lah sampai ka rumah,” ujar Palui pulang.

Masih sambil takurihing, bini Palui bakuling kapala wan manyahuti, “Kada. Ulun aja nang maninjak. Ingatai ulun lagi caranya,” ujar nang bini.

Imbah babuat, Palui haur manahaniakan aja supaya kada rabah. Apa nang minta tukarakan sakalinya kada tapi bisa lagi basapida. Rahat parak rumah, pas tuturunan jalan sapida nang dikayuh bini Palui magin balaju.

Kukuriak Palui managur bininya supaya bagamat. “Jangan laju ding! Kaina rab.....” ujar Palui. Balum tuntung baucap, mandabau sapida badua laki bini tu rabah masuk ka gut.

“Ham mambari takutan banar ikam ni. Makanya ujarku tadi hati-hati,” ujar Palui sambil mamusut luka di lintuhut.

“Pian aja kah nang takutan. Ulun gin takutan banar tadi. Liwar takutannya ulun tadi sambil bapajam tahu lah!” ujar bini Palui manyahuti.

Bah, cucuk ai rabah amun sambil bapajam. Jakanya mangacak rim bisa kada rabah. Gagarunum saurangan Palui.(sumber asli diambil dari harian banjarmasin post)

Magin Bakipit

 

Matan bahari di kampung Palui handak sabarataan panghidupan warganya kada kawa lapas pada sungai. Mulai mandi, batatapas sampai bacari iwak gasan dimakan atau gasan bajual. Satiap baisukan wan kamarian banyak urang nang bamandian di batang atau bakunyungan.

“Parasaan magin bakipit wan basurut haja sungai kita ini,” ujar Tulamak maungkai pandir wayah bapacul baju handak bacabur.

“Sabujurnya kada sungainya nang bakipit Mak ai, tapi awak ikam haja nang makin babangkak,” ujar Garbus mahuluti.

“Bujur haja ujarnya itu Bus ai,” ujar Palui malawanakan Tulamak.

“Masalah pancamaran lingkungan di banua kita ini nang paling utama adalah panyampitan sungai. Sasar tahun sungai kita ini sasar bakipit wan badangkal, kada ada lagi kapal ganal-ganal liwat,” ujar Palui sadih.

“Napa sababnya Lui?” ujar Garbus handak tahu.

“Sababnya adalah sabuting haja yaitu pamahaman kita nang tasalah. Kita masih haja baanggapan bahwa mambuang ratik di sungai itu kada apa-apa, karna kaina pasti larut jua tabawa ulih banyu. Padahal ratik atawa sampah nang kita buang itu lawas-kalawasan bisa maulah sungai kita bahalus wan basurut atau malah bisa kadada lagi.

Balum lagi ditambah limbah buangan dari pabrik-pabrik, tarutama pabrik-pabrik kayu nang banyak tadapat di banua kita ini,” ujar Palui bamagin sadih.

“Ayu lakasi kita bacaburan,” ujar Tulamak. Lalu byurrr...! inya bacabur nangkaya karung baras tahampas. Kada lawas Palui wan Garbus umpat jua bacabur.

Tabulik nangkaya wayah kakanakan pulang kalakuan bubuhannya. Imbah anu basasimburan wan bagagayaan.

“Nah, nangkaya apa kalu kita batanding nangkaya wayah kakanakan balalajuan bakunyung ka subarang sana. Siapa nang tadudi mambayari makan di warung acil Irus kaina siang,” ujar Garbus mambawai Palui wan Tulamak.

“Aku akur haja, amun kawal kita Tulamak hakun takaluar duit gasan mambayari kita badua. Inya pasti nang tadudi sampai, karna bajalan haja manggah mambawa awak apalagi bakunyung, maka paharatan daras-darasnya banyu,” ujar Palui mahahulut Tulamak.

“Ikam jangan tapi maanggap remeh Lui ai. Biar awakku lamak nangkaya ini kawa haja timbul di banyu,” ujar Tulamak kada hakun kalah.

“Ayu siap-siap, satu, dua, tiiiiiiiiigaa!” ujar Tulamak lalu bahancap badahulu, hanyar Garbus lalu imbah itu Palui tadudi. Imbah kada lawas bubuhannya sampai di subarang. Tulamak wan Garbus kahimungan kukuciakan.

“Aku nomor satu!” ujar Tulamak nang badahulu sampai. “Aku nang kadua!” ujar Garbus.

“Mana Palui, dimana Palui? Inya nang cagaran mambayari,” ujar Tulamak mancari Palui.

“Hi-ih dimana inya? Tadi ada haja di balakang,” ujar Garbus bingung jua malihat Palui kada saling sampaian.

“Itu kapalanya mancungul timbul di higa kelotok. Lajui kita babulik ka subarang mandatangi, kita tolongi inya kalu lamas,” ujar Tulamak.

“Lui...Ui Lui, Napa nang ikam ulah, kanapa kada umpat balalajuan?” ujar Garbus manakuni Palui wayah bubuhannya sampai.

“Ssstttt, jangan tapi galu, kaina katahuan,” ujar Palui.

Sakalinya inya lagi mahintip babinian nang bakamih di jamban.

“Manda-i haja Palui pina sadih malihat sungai bahalus, apalagi sampai kada ada lagi. Karna cagar kada kawa lagi mahintipi babinian nang bakamih di sungai,” ujar Tulamak mahahulut kalalanjian Palui. (Sumber Banjarmasin Post)

Mengenal Syekh Jamaluddin Al-Banjari, Ulama Haramain dari Tanah Banjar

Surgi Mufti (Kanan), Mengenakan Lencana dari Belanda. Foto tahun 1903
BERPERANG tanpa konfrontasi. Berjuang tanpa senjata. Dihormati petinggi Belanda, tetapi tidak pernah mengkhianati bangsa. Begitulah sosok Syekh Jamaluddin Al-Banjari atau Tuan Guru Surgi Mufti. Dilahirkan di Desa Dalam Pagar, Astambul, Martapura pada tahun 1817, putra pasangan Haji Abdul Hamid Kosasih dan Hj. Zaleha ini, tumbuh di lingkungan agama yang kuat.
Dia adalah buyut Syekh Muhammad Arsyad Al-Banjari alias Datuk Kalampayan. Sejak remaja, dia sudah menimba ilmu di tanah suci Makkah Al-Mukarromah. “Dia termasuk jaringan ulama Haramain (tanah haram). Baru sekitar tahun 1894, beliau kembali ke Banjarmasin di masa-masa konfrontasi dengan Belanda yang menjajah kita,”
Sekembalinya ke tanah Banjar, Surgi Mufti dihadapkan dengan dua pilihan. Apakah ikut konfrontasi menghadap penjajah dan bergabung dengan pasukan Pangeran Antasari, atau memilih berdakwah meski harus ‘berkawan’ dengan Belanda. Pada tahun 1899, H.Jamaluddin akhirnya memutuskan menjalankan dakwahnya setelah Belanda mengangkatnya sebagai mufti.
“Jabatan mufti adalah jabatan penting pada masa itu, setarap dengan menteri atau hakim. Putusannya adalah menjalankan syariah hukum Islam bagi warga Banjar,”.
Tidak hanya itu, Mufti Jamaluddin juga terkenal sebagai ahli falaqiyah (astronomi). “Dialah yang memutuskan awal dan akhir Ramadan, berdasarkan perhitungan hilal yang dia kuasai. Bahkan urusan bertani di masa itu, kapan waktunya bercocok tanam yang baik, juga menjadi bidang yang dikuasainya,” .
Sebagai ulama dan pendakwah, kekuatan ilmunya sudah mencapai titik tertinggi dengan berbagai karomah yang dimiliki. Dalam sebuah ceramah di hadapan murid-muridnya, Surgi Mufti mengatakan bahwa di setiap ada air pasti ada ikannya. Ternyata pernyataan ini terdengar petinggi Belanda dan memanggilnya untuk melakukan tes kebenaran ucapannya.

“Jika ada air ada ikan, maka apakah mungkin di dalam air kelapa juga ada ikannya,” tantang petinggi Belanda, meragukan ucapan H.Jamaluddin. Akhirnya sebiji kelapa muda dibawa kehadapan Surgi Mufti. Kelapa muda ini pun di belah, seketika airnya muncrat dan saat bersamaan seekor ikan sepat menggelepar keluar dari buah kelapa tadi.

Sejak kejadian itu, petinggi Belanda semakin menaruh hormat kepada Syekh Jamaluddin. Sebab tidak hanya ahli ibadah dan kuat dalam agama, tetapi juga piawai dalam perkara dunia. Sebagai bentuk penghargaannya, pihak Belanda saat itu menjuluki H. Jamaluddin Al-Banjari sebagai Surgi Mufti.
“Istilah surgi itu berarti suci, mufti artinya pemimpin. Julukan ini diberikan oleh Belanda karena sikap istiqomahnya beliau yang memiliki kesucian hati dan tekun beribadah,” .
Meski hidup dan tumbuh di lingkungan Pemerintah Belanda, namun kelebihan Surgi Mufti tetap bergaya ulama. Keteguhannya beribadah menjadi bukti, betapa kekuatan ilmu agama lebih mulia daripada urusan dunia.
Tak salah pula jika kepemimpinannya disukai Belanda, tetapi dakwahnya dinantikan murid-muridnya. “Dia itu terkenal mengadakan pengajian duduk. Artinya dia tidak berdakwah dari rumah ke rumah. Tetapi justru warga yang berdatangan ke rumahnya. Tidak hanya jamaah dari Kalsel, tapi juga dari Kalteng, Kaltim dan Kalbar,” kata Yuli Hidayat, penjaga Kubah Surgi Mufti.
Versi Yuli Hidayat, karomah Surgi Mufti yang lain adalah saat beliau melakukan perjalanan dari Sungai Jingah menuju Desa Dalam Pagar. Di perjalanan itu salah satu warga melapor perhiasan emas mereka terjatuh dan hilang di sungai. Dengan merentangkan salah satu tangannya ke sungai, perhiasan yang tenggelam itu tiba-tiba ada di tangannya.
“Bahkan dalam perjalanan menggunakan jukung itu, Surgi Mufti memakai jukung bocor. Berhari-hari di jalan, jukungnya baru tenggelam setelah sampai di Martapura,”.
Di bidang sosial kemasyarakatan, Surgi Mufti juga berandil dalam membuka jalur jalan dari Desa Dalam Pagar menuju Desa Kelampayan. “Bahkan dialah yang membuat atang (cungkup) makam datuknya, Syekh Muhammad Arsyad Al-Banjari,” Yuli menambahkan.

Surgi Mufti

Tepat tanggal 8 Muharram 1348 Hijriyah, Surgi Mufti meninggal dunia pada hari Sabtu, pukul 15.00 WITA menjelang Sholat Ashar di Sungai Jingah. Surgi Mufti dimakamkan di kubah yang dibangunnya, jauh sebelum meninggal dunia. Kubah ini dulunya dijadikannya sebagai tempat menerima murid-muridnya.
Kubah ini dipelihara dan dijaga oleh menantunya, Hj. Khadijah istri dari HM.Arsyad Jamaluddin. Dengan usia yang sudah mencapai 95 tahun, Nenek Khadijah masih mampu mengaji dan membaca hurup Arab gundul sambil menerima tamu yang datang untuk berziarah ke makam.

“Bahari turunan Abah (sebutan Surgi Mufti), rata-rata hapal dan khatam Qur’an. Makanya murid sidin banyak banar. Tapi yang paling utama diperhatikan sidin adalah sembahyang. Memang sidin jua mengajarkan ilmu tarikat, namanya Tarikat Sajaliyah, tapi kada dikembangkan,” .

Maranyau

SABAN handak guringan Palui wan bininya pasti bapapandiran, bagagayaan sambil bagaritikan.

“Bila managur atawa manyuruh aku jangan di hadapan urang ban_yak
kaya si Garbus atawa Tulamak Tuhirang, kaina aku dihuhulutnya bahwa aku diparintah bini,” ujar Palui mamadahi. “Karna wayahini pinanya banyak bubuhan ibu-ibu pajabat nang harat pada abahnya, wani manyuruh karyawannya sakahandak hati, mamakai mutur dinas sakahandaknya,” ujar Palui mambari cuntuh.

“Itu kada ibunya nang harat tapi si lakinya si pajabatnya nang bungul kada kawa ma-atur bininya,” ujar bini Palui manjawab.

“Nah, jadinya ikam paham artinya kita kawa kada bahualan karna masing-masing sudah maklum tugas kawajibannya,” ujar Palui.

“Tapi ulun bulih haja kalu bila ada kada sapandapat wan sampiyan,” ujar bininya.

“Kita ini negara demokratis, bulih haja baunjuk rasa asal malamnya kita harus damai supaya jangan satris, “ujar Palui bagaya.

“Sampiyan abahnya ai kulihat pina ada jua barahasiaan baisi simpanan,” ujar bini Palui maungkai kisah.

“Sumpah kadada,” sahut Palui takajut.

“Kanapa wayah garing samalam sampiyan pina basasambat macam-macam, tasambat jua ngaran bibinian,” ujar bininya.

“Wayah pabila?” ujar Palui.“

Wayah sampiyan garing panas samalam,” sahut nang bini.

“Biasa haja urang garing, apalagi garing panas bisa maigau karna kapanasan,” ujar Palui. “Wayah itu kaya apa igauku atawa amanganku?” ujar Palui handak tahu.

“Wayah sampiyan kapanasan itu kupupuk wan banyu es lalu ulun suruh baingat-ingat, ulun suruh bazikir ya Allah…… ya Allah….. mulanya sampiyan bujur haja manyahut ya Allah…… ya Allah tapi kalalawasan lalu baubah sambatan sampiyan jadi ya Aluh…..ya Aluh….. ya Aluh,” ujar bininya bakisah.

“Itu artinya kacicintaanku wan ikam ding-ai,” ujar Palui.

“Ayu padahakan Aluh siapa, Aluh siapa?” ujar bininya pina sangit.

“Aluh itu kada lain ikam jua si Aluh Zaleha,” ujar Palui sambil mamagut ka bininya.

“Biarpun sampiyan bapadah si Aluh itu adalah ulun, tapi tatap ulun cari siapa simpanan sampiyan itu,” ujar bininya maancam. (Sumber Banjarmasin Post)