TIKET

Si Utuh ni hanyar kawin handak ma'adakan parjalanan ba'bulan madu makai pesawat. Wayah sampai di bandara si Utah bapadah wan bininya:
Utuh : "Sayang, tunggui satumat disinilah, aku handak manukar tiket hulu.
Aluh : "Inggih kaka
Lalu si Utuh langsung manukar tiket, tapi Utuh ni kada sadar saking kalawasan ma'antri pada manukar tiket satu haja. Utuhnya ni kada ingat pada inya sdah ba'bini sabujurnya harus manukar 2 tiket. imbah manukar tiket, langsung ai Utuh ni mandatangi bininya nang sdah lawas mahadang. Wayah Utuh datang manangis bininya.
Utuh : kenapa ikam manangis Ding?
Aluh : Lihati tangan pian tu nah
Utuh : Knapa ding?
Aluh : knapa pian manukar tiketnya sabuting haja. pian kada handak ba'bulan madu lawan ulun kah.
Utuh : Hah aku kada ingat ding ai pada aku sdah kawin biasanya aku manukar sabuting haja tiketnya amun tulak ba'pasawat.
Lalu ai Utuh ni mancari akal gasan manghibur bininya, "uuiiyy biniku nang paling ku sayang biniku nang bungas, uleh aku ka'himungan banar pada handak tarabang ba'pasawat sampai-sampai aku kada ingat manukar tiket 2 buting.
Aluh : nyata ai pian kahimungan banar naik pesawat amun pramugarinya bungas2 kawa pian lirik
Utuh : ...?? (wayah Utuh masih bujang katuju malirik pramugari)..!!! kada sia2 jua ding ai aku malirik pramugarinya.. contohnya aku ba'dapat jodoh lawan ikam di pesawat wayah ikam jadi pramugari. (Julak Huban/HUB-01)